Powered By Blogger

Mire se erdhet :-)

Tuesday, July 6, 2010

Gjerdani im i perlave

Ju pershendes te gjitheve, duke ju uruar freski ne cdo ambient qe ndodheni!

Sa here qe udhetojme, qofte edhe per nje fundjave u themi femijeve qe te bejne gati valixhet e tyre. Tani qe jane paksa me te rritur, kane mesuar se cfare te vendosin ne valixhen apo cantat e udhetimit, por GJITHMONE une bej nje kontroll te fundit. Une e kam me te lehte qe t'ua bej gati cantat gati per pese minuta, por keshtu ata nuk do te mesojne dot kurre sesi te behen te zotet e vetes dhe nuk do te dine te pershtaten me ambiente e rrethana te ndryshme.
 
Kujtoj qe para disa viesh (kjo gje ishte me e theksuar) kur u thoshim femijeve qe te benin gati "gjerat" e tyre per ne udhetim ata fusnin ne cantat e tyre: kukulla e veshje per to me shumice (vajza), ndersa djali merrte 80-100 ushtare te vegjel dhe armaturat e tyre, keshtjella princeshe dhe keshtjella heronjsh musketiere, nje deng me libra secili, DVD e parapelqyera, CD me muzike femijesh, shishe me uje, rroba banje me shumice (edhe ne mes te dimrit per tu lare ne vaske:-)), disa lloje furcash dhembesh, sapune aromatike, prape veshje per kafshet e pellushit dhe kaq. Ata duan qe mundesisht te marrin me vehte edhe zogjte dhe breshken e ujit, nga meraku se mund te ndihen te vetmuar.

 Ahahahaaa:-) Kur e kujtoj me sjell shume gezim. Cfare mendjeje qe kane femijet. Keto kujtime mi zgjoi nje femije i miqve tane qe per pushime, pervec kukullave kishte marre ne valixhen e saj edhe telefonin e shtepise.

 Kur e pyeta nje here vajzen time se ku do t'i vendoste veshjet e saj pasi ne valixhe nuk kishte vend per rroba ngaqe e kishte mbushur me lodra, ajo mu pergjigj. "S'ka problem ma. Po i sjell te valixhja jote!"

 Sa i dua kujtimet feminore dhe ciltersine e syckave gazmore e te pafajshem. Kujtimet e femijerise se tyre, jane gjerdani im i perlave te cmuara.

 Ju uroj cdo te mire dhe "shijim" te cdo dite me femijet tuaj:-)

 Me dashuri,

 Edi Gogu

No comments:

Post a Comment