Powered By Blogger

Mire se erdhet :-)

Tuesday, August 24, 2010

Po, dua!!!

 Pershendetje te fresketa nga qyteti i vogel dhe shume i bukur ku po kalojme pushimet e veres:-)

 Sa here qe flas me familjen time apo edhe me mikesha, te gjithe me thone qe ne Tirane ben shume vape. Me vjen vertet shume keq, per te gjithe ata "qe provojne" mbi "lekuren" e tyre, nxehtesine sauna-tike te qytetit tim.

 Ketu, ku jemi kam provuar nje shije te re caji. Caj me aloe. Hmmm, sa i mire! Caji eshte i gatshem, i ftohte dhe mund ta gjesh ne shije te ndyshme frutash qe i jane shtuar, aloes, si psh: molle, kajsi apo luleshtrydhe.

Dita e sotme perkon me pervjetorin tone te marteses. Sa e cuditshme, sepse here-here me duket sikur jemi martuar dje dhe here-here me duket sikur kemi nje jete se bashku.

Sot ne mengjes, ndersa mendoja mbi martesen, pervjetorin tone dhe vitet qe kemi kaluar se bashku ndala per pak caste dhe falenderova Perendine. E falenderova qe solli bashkeshortin tim, ne jeten time. E falenderova qe ka qene me ne si ne ditet e bukura dhe ne ditet e veshtira dhe per mesimet e vyera qe kam mesuar pergjate viteve mbi artin e marteses.

ARTI I MARTESES

Nje martese e mire duhet krijuar.
Ne martese, gjerat e vogla jane po aq te rendesishme sa gjerat e medha.
Asnjehere nuk duhet thene qe jemi shume pleq per te ecur te kapur perdore si dikur.
Nje martese e mire duhet krijuar cdo dite.
Do te thote te kujtohesh te thuash « TE DUA » se paku nje here ne dite.
Do te thote qe, kurre te mos biesh te flesh i zemeruar.
Do te thote te kesh nje ndjesi te perbashket, te heshtur te vlerave dhe qellimeve te njejta.
Do te thote te qendrosh se bashku e t’i besh balle botes.
Do te thote te formosh nje rreth dashurie qe perfshin brenda saj te gjithe familjen.
Do te thote te flasesh fjale vleresimi dhe te shprehesh mirenjohje ne menyre te menduar me kujdes.
Do te thote te kesh fuqi per te falur dhe per te harruar.
Do te thote t’i krijosh njeri-tjetrit atmosferen e duhur per t’u rritur.
Do te thote te mos shikosh te meten tek tjetri, por te perpiqesh ti besh te mira pa fund.
Do te thote te shtrengosh duart se bashku e te lutesh per ditet e veshtira.
Eshte nje kerkim i perbashket per te miren e per te bukuren.
Eshte nje udhetim i gjate e i bukur, qe kerkon shume durim e buzeqeshje.
Nuk behet fjale vetem per t’u martuar me personin e duhur.
Sekreti eshte tek te qenit bashkeshort i mire.

Ju uroj cdo te mire e dashuri pafund!
Edi Gogu

Tuesday, August 17, 2010

Qejfi nuk mund te quhet lumturi

 Miqte e mi te shtrenjte,
 
 Ndersa pergatisja ujin e ngrohte per caj, mora nje vendim te shpejte dhe "eremire"; nje kupe me caj borziloku.
 Mjaftojne 3-4 gjethe te medha borziloku ne nje filxhan caji dhe uji i nxehte mbi te. Pasi uji te jete ftohur, ju mund ta shijoni cajin tuaj freskues dhe te shijshem.

 Mbreme bashkeshorti im po na lexonte mua dhe femijeve nje histori shume te bukur te shkeputur nga nje permbledhje shume e vecante e vepres se shkrimtarit Irlandez Oscar Wilde. E pabesueshme sesi ne nje tregim per femije mund te gjesh mesime qe u vlejne jo vetem femijeve, por edhe te rriturve.
 
Dallendyshja e mire dhe zemerbardhe qe sakrifikon jeten e vet, per ti sherbyer te tjereve, ndersa bisedon me Princin e Lumtur thote se: "Qejfi kurresesi nuk mund te quhet lumturi!"

 Sa here e ngaterrojme ne lumturine me qejfin dhe, ne shumicen e kohes mendojme se te kaluarit mire apo te berit gallate eshte lumturia qe ne kemi kerkuar dhe enderruar.

Po ju si mendoni? A mund te quhet qejfi, lumturi? Pres mendimin tuaj.

 Kalofshi sa me bukur:-)

 Edi Gogu

Monday, August 16, 2010

Une meritoj te jem e lumtur

Te dashur miq,

 Me duket si cudi qe nuk po "mblidhemi" perdite per cajin tone te paradites, por pushimet verore dhe largesia nga interneti t'i bejne keto gjera:-))

Kam qene duke menduar gjate mbreme mbi nje shprehje qe te pakten une e degjoj shpesh te thene nga goja e mikeshave te mia, sa here qe bie fjala per ndonje "acarim" te vogel ne marredheniet  martesore. "Epo, une meritoj te jem e lumtur, ne fund te fundit".

Ne fakt, te gjithe meritojne qe te jene te lumtur, por kam pershtypjen se lumturia eshte nje ndjenje shume komplekse dhe ne te vertete ajo nuk ka te beje vetem me menyren sesi ndihemi ne, pasi ka brenda edhe "doza" perkushtimi, sakrifice dhe dashurie qe synon ta beje bashkeshortin apo bashkeshorten te lumtur.

Te dashura mikesha, ndodh mese rendom qe ne momentin qe ne nuk ndihemi te lumtura, atehere e harrojme dashurine, perkushtimin dhe shume gjera te tjera qe kane te bejne me dashurine dhe te shtrenjtet tane dhe fillojme te "hidherohemi" me shume sesa mund te duroje nje shpirt njerezor burreror.

 Ne shperthejme ne "ti nuk me ben te lumtur, apo edhe ne perse nuk di te me besh te lumtur?" Te mjeret meshkuj!!! Ata mund te mos ndihen te lumtur per vehten e tyre, por e kane pjese te natyres se tyre mashkullore qe te mos ankohen per mungesn e lumturise se tyre.

Nje mikesha ime me rrefen sesa deshiron qe i shoqi te jete poaq i embel dhe i kujdesshem sa "X" personazh i nje filmi qe asaj i pelqen shume.

Ky eshte nje nder gabimet me te medha qe shumica e femrave bejne, te maten me Hollivudin apo me median. Ky krahasim duhet shmangur, pasi do te demtoje shume marredhenien tuaj.
 Medias i duhet te "skalite" nje personazh te tille te "adhurueshem" pasi jane ne loje miliona te ardhurash dhe nje gare e papare per ndjekes te programeve televizive.

Si do te ndiheshit ju sikur bashkeshorti juaj t'ju thoshte; "Perse nuk i ke floket aq te gjate e te verdhe dhe zerin aq te embel kur me flet mua sa "Y" ne filmin qe ti pelqen?

Te shtrenjta mikesha, nese deshironi qe te jeni te lumtura, mos e kerkoni lumturine pertej shtepise suaj. Bashkeshorti juaj eshte po ai person qe ju dashuruat me aq zjarr, po ai person qe ndodhet prane jush kur ju keni nevoje, po ai person qe ju njeh me mire se kushdo.

Nderkohe ju duhet te perpiqeni edhe pak vete per ndertimin e lumturise tuaj dhe ne cift. Kushtojini atij vemendje, dashuri dhe fjale dashurie dhe inkurajuese. Nese ju nuk mendoni vetem sesi ta beni vehten tuaj te lumtur, kjo gje do t'ju beje me pak "te grindur" dhe me pozitive ne familjen tuaj. Bashkeshorti juaj do te ndihet i dashur dhe i vleresuar prej jush dhe do te "cliroje" doza embelsie qe ndoshta nuk i keni shijuar me pare.

Une nuk jam kunder deshires per te qene e lumtur, pasi edhe une deshiroj qe te jem e lumtur. Njekohesisht dua qe te jete i lumtur edhe bashkeshorti im edhe femijet e mi. Ne te kundert c'u pa?

 Ju uroj te gjithe lumturine e botes dhe shume urtesi ne cdo pershtatje qe beni ne jeten tuaj!

 Me dashuri,

 Edi Gogu

Wednesday, August 4, 2010

Cfare duan meshkujt?- (Pjesa e trete) (Besim ne aftesite e tyre)

Te dashur miq,

 Me ne fund u "bera mbare" qe te vazhdoj shkrimin "Cfare duan meshkujt?"

 Mirepo nje bisede mes miqsh zhvillohet me mire nen shoqerine e nje filxhani caji te ftohte ne rastin e ketyre diteve te nxehta. Nuk eshte e nevojshme qe te nxitoni ne dyqanin me te afert dhe te blini nje shishe caj te ftohte qe eshte i mbytur me sheqer dhe konservues, ju mund ta beni shume lehte edhe vete cajin e ftohte.

 Normalisht une pergatis nje cajnik te madh me shijen e cajit qe parapelqej dhe pastaj e le qete ftohet. Nese i shtoni cajit tuaj edhe disa gjethe borzilok, ju siguroj qe do te merrni nje shije unike te tij. Pasi eshte ftohur, hidheni cajin ne nje ene te cilen mund ta vendosni per tu ftohur edhe me shume ne frigorifer.

Para disa ditesh udhetuam me makine se bashku me familjen per ne destinacionin e pushimeve tona verore. Ndersa bashkeshorti im ngiste makinen, mu kujtua nje keshille qe e kam lexuar ne nje liber mbi marredheniet meshkuj dhe femra. Autori i librit flet ne kendveshtrimin e nje bashkeshorti dhe shpjegon me shume sinqeritet sesa keq ndihej ai personalisht kur bashkeshortja e tij i nderhynte vend e pavend kur ai ngiste makinen.

 Te dashura mikesha, ky fakt dhe fakti tjeter qe une e kam shume pare sesa bezdi e kane meshkujt kur u flet ne timon, me ka bere qe te jem shume e kujdesshme per vehten time dhe "memece" kur bashkeshorti im .nget makinen. Kjo per asnje arsye tjeter, thjesht per arsye respekti dhe besimi ne aftesite e tij.

Kam degjuar kur grate ne rolin e instruktoreve u japin urdhera bresheri burrave te tyre ne timon; "Sinjalin majtas! Ec me ngadale se makine ben zhurme! Bjeri borise, bjeri borise! Kthehu ne te djathte, pastaj majtas, ec drejt dhe pastaj bjeri nga te duash!"

Jam ndiere plot here gati per te shperthyer kur kam degjuar "urdhera" te tilla qe u jane dhene burrave me shume vjet eksperience ne timon dhe qe ata te "gjoret" thjesht kane shtrenguar nofullat per te mos shperthyer...

 Te shtrenjtat e mia, ky eshte nje detaj i vogel, por qe tregon shume. Ne momentin qe ju filloni dhe i rrefeni se cfare duhet te beje bashkeshorti juaj, ju ne menyre te terthorte, ndoshta edhe pa e kuptuar po i jepni atij mesazhin qe kane nevoje per pak ndihme ne aftesite e tyre guiduese.

 Edhe nese ndodheni ne nje rruge te ngaterruar dhe nuk jeni te sigurte per menyren sesi do te arrini aty, eshte me mire qe te heshtni dhe te keni durim, pasi bashkeshorti juaj do t'i jape drejtim zgjidhjes se situates.

 Me mire te vonoheni pese minuta per ne vendmberritje, sesa te jepni mesazhet e gabuara te cilat nuk i bejne mire marredhenies tuaj.

 Meshkujt kane nevoje per pak besim nga ana jone, ne aftesite e tyre. Nese ne tregojme qe nuk kemi besim ne aftesite e tyre te orientimit dhe guidimit, atehere si do tu provojme atyre qe kemi besim ne aftesite e tyre per te udhehequr familjen?

 SOT, nese nuk gjeni ndonje fjale inkurajuese per bashkeshortet tuaj, provoni te mos flisni asnje fjale negative!

 Ju uroj nje dite te mrekullueshme:-)
 
Dashamiresisht,

 Edi Gogu